Il-Kumitat għall-Kofinanzjament tal-Gvern Lokali huwa kumitat imwaqqaf fi ħdan id-Diviżjoni għall-Gvern Lokali sabiex jevalwa talbiet imressqa minn entitajiet fis-settur tal-gvern lokali għal appoġġ ta’ kofinanzjament fl-implimentazzjoni ta’ proġetti ffinanzjati permezz ta’ programmi tal-Unjoni Ewropea u mekkaniżmi oħra ta’ finanzjament internazzjonali.

Il-Kumitat jevalwa l-applikazzjonijiet, jiddetermina l-eliġibbiltà u jalloka assistenza finanzjarja sabiex jgħin lill-benefiċjarji jkopru l-kontribuzzjoni ta’ kofinanzjament meħtieġa għal proġetti approvati. Permezz ta’ dan il-mekkaniżmu, il-Kumitat jinkoraġġixxi parteċipazzjoni akbar tal-awtoritajiet lokali f’inizjattivi ffinanzjati minn sorsi esterni, biex b’hekk il-komunitajiet ikunu jistgħu jibbenefikaw minn investimenti fl-infrastruttura, is-sostenibbiltà ambjentali, l-inklużjoni soċjali, it-trasformazzjoni diġitali u prijoritajiet oħra ta’ żvilupp lokali.

L-applikanti eliġibbli huma il-Kunsilli Lokali u Reġjonali; l-Assoċjazzjoni tal-Kunsilli Lokali (AKL); l-Assoċjazzjoni Nazzjonali tas-Segretarji Eżekuttivi tal-Kunsilli Lokali u Reġjonali (ANSEK); u Gruppi ta’ Azzjoni Lokali.