Il-Ministeru għall-Gvern Lokali u x-Xogħlijiet Pubbliċi ġie stabbilit wara l-elezzjoni ġenerali ta’ Mejju 2026. Il-Ministeru jiġbor flimkien oqsma u entitajiet ewlenin li jaqdu direttament lill-komunitajiet, fosthom id-Diviżjoni għall-Gvern Lokali, id-Dipartiment tax-Xogħlijiet Pubbliċi, id-Diviżjoni tat-Tindif u l-Manutenzjoni, u l-Aġenzija għar-Riġenerazzjoni taż-Żoni Turistiċi, kif ukoll il-Park Nazzjonali ta’ Malta f’Ta’ Qali.
Billi jaħdem mill-qrib mal-kunsilli lokali u mal-komunitajiet, il-Ministeru huwa impenjat li jtejjeb l-ispazji pubbliċi, l-infrastruttura u s-servizzi essenzjali madwar Malta u Għawdex. Permezz tad-dipartimenti u l-entitajiet tiegħu, il-Ministeru għandu l-għan li jibni komunitajiet aktar nodfa, sikuri, vibranti u moqdija aħjar, filwaqt li jiżgura kwalità ta’ ħajja aħjar għar-residenti fil-lokalitajiet tagħhom.
No more posts
Il-Ministeru għall-Wirt Nazzjonali, l-Arti u l-Gvern Lokali ġie stabbilit f’Jannar 2020, wara riorganizzazzjoni tad-dipartimenti ministerjali b’riżultat tal-mandat tal-Prim Ministru l-ġdid. Dan il-Ministeru huwa responsabbli mill-oqsma ewlenin tal-Wirt Kulturali, Restawr, Kultura, Arti, Teatri, Ilsien Malti, Arkivji Nazzjonali, Librerija Nazzjonali, Gvern Lokali, Xandir, u s-settur awdjoviżiv. Minn dakinhar, ilha taħdem biex dawn is-setturi javvanzaw skont il-programm tal-Gvern.
Għalhekk, il-Ministeru huwa kommess li jippromwovi u jippreserva l-wirt kulturali ta’ pajjiżna, kif ukoll li jappoġġja u jsaħħaħ il-kreattività u l-espressjoni artistika. Permezz tad-diversi programmi u inizjattivi tagħna, aħna nimmiraw li nippromwovu d-diversità kulturali, ninkoraġġixxu l-innovazzjoni u l-kreattività, nipprovdu opportunitajiet għall-individwi u l-komunitajiet biex ikomplu japprezzaw l-arti, kif ukoll insaħħu s-settur awdjoviżiv u x-xandir pubbliku.
No more posts